МЕТОДОЛОГИЯСЫ МЕН ЛОГИКАСЫ

Бұл бөлімнің материалын зерттеуге кіріспес бұрын, ең алдымен осы оқулықтың жоғарыда қарастырылған бөлімдерінің мазмұнын қысқаша еске түсірген маңызды. Бірінші бөлімде әр түрлі жалпы социологиялық ұғымдар арқылы ашылған социологияның пәні мен объектісінің мазмұны берілген. Екінші бөлімде социология ғылымының әр түрлі теориялары мен тұжырымдамаларының қалыптасу тарихы баяндалған, ал үшінші бөлімде социология ғылымының жеке салаларының пәндік-объектілік салалары қарастырылады. Алғашқы үш бөлімнің осылай алдын ала баяндалуы осы қорытынды ІV бөлімнің мазмұнын ашуға екі себеппен маңызды. Біріншіден, алдыңғы бөлімдердің мазмұнынан олардың методологиялық және логикалық негіздемелерінің тарихи аяқталған теорияларда, социология ұғымдарында жүзеге асырылғанын байқауға болады. Екіншіден, социологиялық зерттеудің методологиясы мен логикасын саналы және кәсіби тұрғыдан түсіну үшін социолог осы оқулықтың алдыңғы бөлімдерінде баяндалған нәрсенің мазмұнын жақсы білуі керек. Яғни, социологиялық зерттеудің методологиясы мен логикасының мәні жөнінде социология ғылымының теориялық-ұғымдық аппаратының мазмұнына қаныққан адамдармен ғана байыпты талқылау жүргізуге болады.

Сонымен қатар, социологиялық зерттеулердің методологиясы мен әдістері туралы әңгімемізді ғылыми танымның жалпы методологиясымен және логикасымен қысқаша танысудан бастаған жөн. Бұл тұтас қоғамдық өмірдің шынайылығын ғылыми түсінудің жеке формасы ретіндегі социологиялық зерттеудің методологиясы мен логикасының жалпы негіздемелерін де, өзіне тән ерекшеліктерін де ашуға көмектеседі.

Ғылыми және социологиялық зерттеудің методологиясы