Частка В
В1. Знайдзіце сказ(-ы) з памылкай ва ўжыванні ступені параўнання прыметніка або прыслоўя. Запішыце правільны варыянт ужывання формы слова:
1) Нашы бацькі старэй за тваіх.
2) Жыць у нашым горадзе стала намнога спакайней.
3) Праца наша цяпер больш адказная.
4) Апалае лісце – найпрыгажэйшы дыван.
5) Я больш усіх пор года люблю лета.
В2. Запішыце правільна слова(-ы), дзе зроблена памылка:
1) жыткавіцкі; 4) латыскі;
2) калмыцкі; 5) рабаўніцкі.
3) універсітэтскі;
Тэст №18
А1. Адзначце слова(-ы) з няправільна вызначаным лексічным значэннем:
1) Баль – вечар з танцамі і вясёлымі забавамі;
2) Банкетка – урачысты абед ці вячэра з нагоды чаго-небудзь або ў гонар каго-небудзь;
3) Барада – валасяное покрыва ніжняй часткі твару;
4) Барва – чырвань, густа-чырвоны колер;
5) Баржа – вялікае пласкадоннае судна для перавозкі пасажыраў.
А2. Адзначце адназначнае слова(-ы):
1) белы; 4) зялёны;
2) чорны; 5) фіялетавы.
3) чырвоны;
А3. Адзначце словазлучэнне(-і), у якім(-іх) выдзеленыя словы ўжыты ў прамым значэнні:
1) кіслы яблык; 4) кіслая глеба;
2) кіслае малако; 5) кіслая капуста.
3) кіслы настрой;
А4. Адзначце рады, у якіх усе словы з’яўляюцца сінонімамі:
1) дружыць, сябраваць, таварышаваць, калегаваць;
2) блішчаць, зіхацець, ірдзець, прамяніцца;
3) халодны, марозны, нясцерпны, сцюдзёны;
4) адпомсціць, адплаціць, разлічыцца, расквітацца;
5) сустрэцца, спаткацца, сутыкнуцца, углядацца.
А5. Выпішыце з сінанімічнага рада дамінанту:
Журботны, засмучаны, сумны, маркотны, пануры.
А6. Адзначце словазлучэнне (-і) з сэнсава не спалучальнымі словамі:
1) цягнуцца чарапашым крокам;
2) суцешыць сябра;
3) прыгожая і рухомая жанчына;
4) дзелавітыя заўвагі;
5) пчолы ляцяць на грачанае поле.
А7. Адзначце свабодныя словазлучэнні:
1) збегаць на адной назе;
2) бусел стаяў на адной назе;
3) узяць цвік у абцугі;
4) трымаць чалавека ў абцугах;
5) закідваць вудачку ў раку.
А8. Сінонімамі да фразеалагізма ХВАРЭЦЬ НА ПАНА з’яўляюцца словы:
1) весяліцца; 4) лайдачыць;
2) гультаяваць; 5) хварэць.
3) вучыцца;
А9. Адзначце сказ(-ы), дзе фразеалагізм выконвае сінтаксічную функцыю выказніка:
1) Малады салдат не зводзіць вока – сцеражэ Айчыны родны бераг.
2) З усіх ног кінуліся ў бок вёскі.
3) Зося – гэта ён ведаў пэўна – сэрцам надта ўжо прыкіпела да яго.
4) Вярнулася пара бабінага лета.
5) Тут ты вольны казак.
А10. Выпішыце ў пачатковай форме слова, якое ў рускай і беларускай мовах мае рознае значэнне:
Цікаўна, як чалавек, глядзела на мяне краска: яе ўважлівае, нібы жывое, вока было зусім блізка.