ЖЕДЕЛХАТ

Жеделхат – телеграф (телетайп) арқылы жолданатын, шұғыл мәселелер туралы хабарламалық сипаттағы құжат.

Жеделхаттың артықшылықтары:

- мекеменің кез келген қызметкерінің жіберуіне мүмкіндік болады;

- формальды түзетулердің (виза қою, келісу, корректуралау, редакциялау) қажеттігі жоқ;

- жеделхат қолмен жазылғанына қарамастан жіберуші мен алушы туралы мәлімет нақты қамтылады;

- қажет жағдайда жеделхат мәтіні расталады;

- жеделхаттар тез жеткізіледі;

- жеделхат басқа байланыс түрлерінен (интернет, факс) арзан, сенімді.

 

 

Жеделхатты жазу талаптары :

- мәтін қысқа (ең ұзағы 300 сөз), анық, түсінікті болуы тиіс;

- мәтінде кіріспе сөз, шылау сөздер қолданылмайды;

- кейбір сөздерді қысқартуға болады;

- цифрлар жазбаша беріледі (мысалы: 10137-бір нөл бір үш, жеті);

- жеделхат құрылымы (алушы адресі, мәтін, жіберуші адресі) қатаң сақталады;

- жеделхат мәтіні қатесіз, түзетусіз болуы тиіс.

 

Жеделхат 2-ге бөлінеді: ішкі(мемлекет ішіндегі) және халықаралық (шетелдерге жіберілетін).

Ішкі жеделхат түрлері: өкіметтік, жедел, жай.

Жеделхаттың реквизиттері:

1. Сызықтың жоғары жағына жазылып, ақша төленетін формулярдағы бөлігінде:

- түрі, категориясы;

- номері, датасы, жіберілген уақыты;

- алушының аты, адресі, мәтіні, қолы.

2. Сызықтың сыртына жазылып, ақша төленбейтін бөлігінде:

- жеделхатқа қол қоюшы адамның қызметі;

- датасы;

- автордың мекен-жайы.

Жеделхаттардың рәсімделуі:

- мекемеде арнайы журналға тіркеледі (тігіледі не желімделеді). Қасына алушының танысқаны жөнінде белгі, қол қойылады, резолюция жазылады.

- Жолданғанда жіберушінің қолы қойылады, көшірмесі сақталады.

 

 

Ескерту:Егер жеделхат телефон арқылы жіберілсе, оны кім қабылдағанын, жұмыс телефонын, қызметін жазып алыңыз.

 

.