Жалованная данная и тарханно-несудимая грамота великого князя рязанского Олега Ивановича игумену Ольгова монастыря Арсению на село Арестовское

ПодлинникОколо 1371 г.

Милосердеемь божьим, молитвою святое богородици, и молитвою отця своего князя великого Ивана Олександровича, и благословеньемь епискупа рязаньского и муромского Василья, яз, князь великии Олег Ивано­вичу сгадав есмь с своимь отцемь с владыкою с Васильемь и с своими бояры, а бояре со мною были: Софонии Алтыкулачевич, Семен Федоровичь, Микита Аньдреевнчь, Тимошь Олекеандровичь, Манасея дядько, Юрьи околничии Юрьи чашьник, Семен Микиты с бра­тьею, Павел Соробичь, дал есмь отцю своему Арсеныо манастырь святое Богородици, на Олгове в свободь, до его живота, а по своемь животе волен кого онь бла­гословить на игуменьство. А дал есмь святои Богоро­дици дому Арестовское село, с винами, и с поличьным, и с резанъкою, и с шестьюдесят, и со всеми пошлинами, и с бортники, и с бортными землями, и с поземом, и с озеры, и с бобры и с перевесьищн.

 

А возрев есмь в давныи грамоты, с отцемь своимь с владыкою с Васильемь и с бояры, коли ставили по первых прадеди наши святую Богородицю, князь вели­кии Инъгвар, князь Олег, князь Юрьи, а с ними бояр 300, а мужии 600, тогды дали святой Богородици дому 9 земль бортных, а 5 погостов: Песочна, а в ней 300 семии, Холохолна, а в ней полтораста семии, Заячины, а в ней 200 семии, Веприя, 200 семии, Заячков, 100 и 60 семии, а си вон погосты с землями с бортными, и с по­земом, и с озеры, и с бобры, и с перевесьищи, с резан-ками, и с шестьюдесят, и с винами, и с поличным, и со всеми пошлинами. А хто даных людии прадеды нашими святой Богородици дому где имуть седети, или бортници, или слободичь, в моей отчине, ать знають дом свя­той Богородици; а волостели мои ать не всупаются в них ни о которомь же деле. А Головчин дал Федор Борисовичь, а Мордовское дал Климент по Данилов двор, а Еремеи Великии с Глебом селя свои подавали госпо­жи Богородици, а мужи Олговскую околицю, купивше у муромьоких князии, давше 300 гривен, а дали святои Богородици.

И яз, князь великии Олег Ивановичь, што есмь дал Арестовское село святое Богородици дому, и што прадеди наши подавали которая места и люди, и што бояре подавали дому святой Богородици, того хочю боронити, а не обидети начимь дому святой Богородици; а воло­стели и даньииЦи, и ямыцики ать не заимают богородицьских люди и ни про што же; а кто изобидит дом святой Богородици, или князь, или владыка, или воло­стель, или кто иныи, тот дасть ответь перед богомь свя­той госпоже Богородици.

А коли есмь выехал из отчины ис своее, ис Переяславля, тогда еси обет учинил: к святей госпожи Богоро­дици придал есм рязаньское мыто и побережьное, аже ми даст господь бог быти в отчине своей в Переяславли.

Памятники русского права. М., 1955, вып. 3, с. 96—97.

Жалованная данная грамота дмитровского князя Петра Дмитриевича Троицкого монастыря игумену Никону на омут Терменевский с исключительным правом ловли рыбы и бобров в нем и по р. Воре вдоль монастырской земли

Подлинник1423 г. 4 августа

Се яз, князь Петр Дмитриевичь, пожаловал есмь игумена Никона святыя Троици Серьгеева монастыря, или кто будет ин игумен по нем, и его братью, дал есмь им в моей отчине в Воре, а на реце на Воре, же, омут Терьменевьскои рыбы ловити, да и бобры ловити. Так же дал есмь им по реце по Воре по их земле от речки от Талицн до Лепетни рыбы ловити, да и бобры лови­ти. А мои рыболове и мои бобровьници туде на меня рыб не ловят, ни бобров.

А через сию мою грамоту кто имет туде рыбы ловити или бобры в омуте в Терьменевьском да и по реце по Воре, куда есмь их пожаловал, ино заповеди два руб­ля, а от меня быти ему в казни.

А дана грамота в лето 6000 ... 900 ... 31-ё августа в 4 день.

На обороте: Федор Ивановичь.

На отгибе грамоты светловосковая печать.

Акты социально-экономической истории Северо-Восточной Руси, т. I, № 40,.

Жалованная тарханная и несудимая грамота волоцкого князя Бориса Васильевича Симонова монастыря архимандриту Евсевию на монастырские села Кортинское, Кусакинское и Неверове с деревнями, на Волоке Ламском

Подлинник Около 1465—69 гг.

Пречистые ради богородици и честнаго ея успенья, по отца своего грамоте великого князя Василья Ва­сильевича, се яз, князь Борис Васильевичу пожаловал есми Оимановского архимандрита Евсевья и з братею, или кто по нем будет иныи хто архимандрит. Что их се­ла на Волоце-Кортинское, да Кусакинское и зс дерев­нями, да Богородитцкое Василевское село Неверова и з деревнями, и хто у них на тех землях имет жити людей, ино им на надобе ям, ни подвода, ни мыт, ни костки, ни тамга, ни восмничее, ни коня моего не кормят, ни луга не косят, ни к сотцким, ни к дворъским не тя­нут ни в какие проторы, ни порътного не дают, ни двора не ставят, ни дров не гонят, ни иные никоторые пошлины им не надобе. А намесници мои волотцкие и их тивуни на те земли к манастырьским людем не ьсылают ни по что, ни кормов на них не емлют, ни судят их ни в чем, опричь душегубства. А мои праведчики и доводчики поборов на них не берут. А ведает и судит архимандрит свои люди сам, или кому прика­жет. А случится суд смеснои их людем с городцкими людми, и намесници мои и их тивуни судят, а архи­мандрит с ними судит, или его приказник. А будет прав или виноват монастырьскои человек, ино его ве­дает архимандрит, или его приказник, собе и в правде и в вине, а намесници мои и их тивуни не въступаются в манастырьского человека ни в правого, ни в вино­ватого; а архимандрит в их человека не вступается. А через сю мою грамоту кто что на них возмет или их чем изобидит, быти ему от меня, от князя Бориса Васильевича, в казни.

На обороте: Князь Борис Васильевичь.

На отгибе грамоты желтовосковая печать князя Бориca Васильевича.

Акты социально-экономической истории Северо-Восточной Руси. М., 1958, т. 2, № 382.

12. Уставная грамота митрополита Киприана Константиновскому монастырю [23]

Подлинник 1391 г.

Се яз Киприан митрополит всеа Руси дал есмь сю грамоту монастырю своему святому Костянтину и игу­мену, что ми били челом сироты монастырские на игу­мена на Ефрема, так ркучи: наряжает нам, господине, дело не по пошлине, чего, господине, при первых игуме­нах не бывало, пошлины, господине, у нас емлет, чего иные игумены не имали.

А игумен митрополиту так рек: яз, господине, хожу по старои пошлине, как было при первых игуменех, а здесь, господине, на Москве игумен Царко, тот игуменил у святого Константина наперед мене, того, гос­подине, и вспроси. И митрополит послал Окинфа к Цар- ку к игумену, занеж тогды Царко неиздоровел, велел вспросити, какова пошлина в святом Констянтине и как людем монастырским дело делати.

И Царко игумен так отвечал Окинфу: при моем игу­менстве так было в святом Констянтине; большим людем из монастырских сел церковь наряжяти, мона­стырь и двор тынити, хоромы ставить, игумнов жеребей весь рольи орать взгоном, и сеяти, и пожати, и свести, сено косити десятинами и в двор ввести, ез бити и веш­не и зимней, сады оплетать, на невод ходити, пруды прудить, на бобры им в осенние поити, а истоки им забивати, а на велик день и на Петров день приходят к игумену что у кого в руках. А пешеходцем из сел к празднику рожь молоти, и хлебы печи, солод молоть, пива варить, на семя рожь молотить, а лен дасть игу­мен в села, и они прядут сежи и дели неводные наря­жают, а дают из сел все люди на праздник яловицу, но одинова ми, господине, добили челом, а не в пошли­ну, тремя бараны, и яз их пожаловал за яловицу, занеж ми была не надобе яловица, а по пошлине по старой всегды ходит яловица на праздник, а в которое село придет игумен в братшину, и сыпцы дают по зобне овса конем игуменовым.

И Окинф те речи игуменовы Царьковы сказал все митрополиту. И потом Царко игумен омоглся и пришед, спмому митрополиту те речи все сказал что приказал с Оюинфом к митрополиту.

И потом яз Киприан митрополит всеа Руси вопросил семь в Володимери своих бояр того монастыря пошлин, и о яловице о празничной, Михаила Биреева, Юрья Протопопина, Ивана своего повара, ине мне те ж речи сказали, и о озерах, и о истокех, и о бобровой ловле. 11 Киприан митрополит всеа Руси так рек игумену и христианом монастырским: ходите же вси по моей грамоте, игумен сироты держи, а сироты игумена слу­шайте, а дело монастырское делайте. А хотя хто будет иный игумен по сем игумене, и тот ходит по сей моей грамоте. А сю грамоту велел есмь положити в церкви игумену и людем, а никоторый игумен сее грамоты из монастыря да не вынесет, аще ли вынесет, не буди на нем милости божиа и моего благословенна.

А дана грамота на Москве в лето 6900 месяца ок­тября в 21 день, индикта 15.

Назади подпись: Сее грамоты князь великий рушити не велел, а пожаловал игумена по сей грамоте, что в ней писано. А подписал великого князя диак Иван. Рыболове мои, великого инязя, не вьежжают в монас­тырские озера.

Сее грамоты Иона митрополит всеа Руси не рушил. А велел и велел игуменом и христианом по старине и по сей грамоте ходити о всем. А подписал по митрополичю слову митрополич дьяк Карло.