И ныне и присно и во веки веков. Аминь.

Кондáк Богоро́дицы, глaс 6:

Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я,/ на по́мощь нас, ве́рно зову́щих Ти;/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя.

 

 

Проки́мены:

Воскре́сный, глaс 7:

Помоли́теся и воздади́те/ Го́сподеви Бо́гу на́шему.

Стих: Ве́дом во Иуде́и Бог, во Изра́или ве́лие И́мя Его́.

Му́чеников Се́ргия и Ва́кха, глaс 4:

Святы́м, и́же суть на земли́ Его́, удиви́ Госпо́дь вся хоте́ния Своя́ в них.

 

Аллилуа́рии:

Воскре́сный, глас 8:

Прииди́те, возра́дуемся Го́сподеви, воскли́кнем Бо́гу Спаси́телю на́шему.

Му́чеников Се́ргия и Ва́кха, глaс 2:

Се ны́не что добро́, или́ что красно́, но е́же жи́ти бра́тии вку́пе.

 

 

Прича́стны:

Воскре́сный:

Хвали́те Го́спода с небе́с, хвали́те Его в вы́шних.

Му́чеников Се́ргия и Ва́кха:

Ра́дуйтеся, праведнии, о Го́споде, пра́вым подоба́ет похвала́.

Аллилу́ия. (Трижды)

 

[1] По распространенной приходской традиции на воскресном всенощном бдении поется

только первый антифон 4 гласа:

Степе́нна, глас 4:

1 Антифо́н:

Хор: От ю́ности моея́/ мно́зи бо́рют мя стра́сти,/ но Сам мя заступи́// и спаси́, Спа́се мой.

Ненави́дящии Сио́на,/ посрами́теся от Го́спода,/ я́ко трава́ бо огне́м// бу́дете изсо́хше.

Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

Святы́м Ду́хом/ вся́ка душа́ живи́тся,/ и чистото́ю возвыша́ется,// светле́ется Тро́йческим еди́нством, священнота́йне.