Тут ПСАЛТИРЬ РИФМОТВОРНАЯ 18 страница

2. Со отроки же пустушными отнюдь не сообщайся, да не навыкнеши делам их злым; и не токмо тела своего, но ниже устен своих дерзнеши каковым либо скверноглаголанием осквернити. А наипаче бойся сообщатися со отроки блудливыми, кии к блудной скверне склонны и содомскому греху сопричастны: за той бо грех и на сем свете Господь люте мучит. Ибо Содома за той отруческий блудный грех, со отцы и матерми и со всем имением и с малыми младенцы, пять градов небесным огнем сожже (1 Моис., глава 19, стих 24). А и в заповедех Господних написано, яко блуд содомский присно отмщается, а на оном свете паки будут люте мучими: таков то есть Богу мерзок и ненавистен сей блудный грех робячей. А Моисею Господь заповедал таковых блудников предавати смерти. Господа ради, чадо мое, бойся сего блудного греха, смертный бо есть робячей блудный грех. И аще которой отрок тело свое сиею скверностию осквернит, тот уже и в возрасте от тоя скверны совершено не очистится, и не токмо в крайнии архииереи или в презвитеры, но и в диаконы недостоин будет: уже бо той человек чуждь престола Божия и в ближние слуги Божии причтатися уже не может3. И аще на сем свете причтатися не можно, то како той на оном свете причтется, еже в непристулном свете у престола Божия служити? Тамо бо у престола славы Божия служат токмо тии, кии риз своих не оскверниша (Апокалипс. глава 3, стих 4), то есть тела своего блудною скверною не оскверниша.

И сего ради ты, сыне мой, великим опасством храни себя от блудные скверности, дабы тебе от Бога не отпасти. И ради совершенного охранения, велми бойся со отроки нелепыми сообщатися и не припускай к себе никакова человека, не токмо юного, но ниже возрастшаго. И да не попустиши кого либо за тайный твой уд коснутись рукою, ниже за сидение свое даси кому коснутись; но всякого человека, хотящего ти коснутися, отревай крепце. К сему же и от целования излишнего отвращайся, и да не убоишися никакова лица, аще бо и учитель твой или господин какой; от каковые ни будь персоны, всячески удаляйся и ни на каковая увещания не здавайся. И аще нбчнет тя силою целовати, всячески извиняйся; и аще станет ти каковые подарки от вещей каковых или от денег давати, отнюд не приемли; и аще станет сладостные яди и от овощйй каковых давати, отнюд же не приемли и не прикоснися им, еже бы ти вкусити их: лютый бо яд сокровен в тех сладостех. Аще же начнет ти угрожати и побоями стращати, не убойся; и аще от учителя своего или от иного какова лица приимеши раны, то веждь, чадо мое, яко пред Богом велию добродетель тем претерпением сотвориши и со святыми мученики венец прекрасный от Господа Бога приимеши. О, аще бы ты, чадо мое любезное, за таковое целомудрие убиен был еси до смерти, то бы ты велик был во царствии небеснем, и во прекрасном раю стал бы ты в безконечные веки веселитися и райския сладости наслаждатися!

Чадо мое, аще летами и юн еси, но буди разумом стар. Принуждающим тя на таковое беззаконное дело, яко же тя Бог вразумит, откажи сперва кротостно; аще же кротостного твоего отречения не послушает кто, то ты со гневом откажи; а аще же и того твоего отречения не послушает, то ты воплем елико можеши воскричи, и, устыдясь твоего кричания, всячески отступит от тебя. Обаче, ради впредь будущаго от него нападения, аще аз еще в животе буду, то мне повеждь о таком его безстудии, или матери своей изъяви; а аще же нас и обоих в животе не будет, или и живы, да в отлучке будем, то ты изъяви отцу своему духовному без всякого стыдения. И аще тако сотворшни, то и на сем свете велик и честен будеши, и в святителской сан удостоишися; паче же того, по отшествии от сего света, вечных благ наследник явишися. Бог бо велми любит тех человек, кии в телесной чистоте живут, и, такое твое твердое и неколеблемое целомудрие зря, вчинит тя во грядущий век у престола Своего Божия служити, яко же о сем явлено бе во откровении святому Иоанну Богослову (Апок. глава 7, стих 15).

3. Егда же, сыне мой, будеши в возмужании, тогда уже сам себя блюди, с великим опасением, от вышепомянутого блуда. И того ради со отроки пбкостливыми и похотливыми к блуду отнюд не водись, и еже не токмо бы тебе дело какое с ними блудное сотворити, но и словес скверных от них глаголати не навыкай. Но буди тверд и устен своих не моги скверноглаголанием осквернити; и не токмо скверноглаголания, но и пустошных и перебивочных словес не перенимай у них, и ругателных словес отнюд не глаголи. ІІонеже о сем Сам Господь Бог, уча нас, тако рек: яко за всякое праздное слово воздадут ответ в день судный (Матф., глава 12, стих 36).

4. Чадо мое любезное, тако себя остерегай, дабы ти никаковым словом себя не одурачити: но что ни будеши глаголати, глаголи вымысля, чтобы ни старому ни малому, ни богатому ни убогому не досадити. И яко отрочат юных и пакостливых, тако и девиц блюдися, и ничем с ними не сообщайся, и к песням их не приставай, да не увязнеши в сетях их (Сирах. глава 9, стих 4). Понеже у диавола то первая и главная уда на уловление юных человек - женские песни и похотное с ними целование; а потом уже диавол приводит и на совершенный блуд: в содружии бо жен или девиц, хотя и не хотя, впадеши в блуд. И Святое Писание сказует, яко от жен начинание греха приходит (Сирах. 25); и сего ради отврати очи свои от красные жены или девицы; чуждые доброты не глядай (Сирах. 9); от уст жены прелюбодейные изо уст ея каплет мед, последи же горчае пелыни бывает (Притч. 5). И сего ради ты, сыне мой, прилежно Богу молись, дабы Он тебя укрепил, еже бы ти в целомудрии юность свою сохранити и блудом тела и души своея не осквернити. И того ради со девицами и со женами отнюд с прижиманием плотным не целуйся; и аще коя жена или девица, прижав тя, поцелует, то ты беги от нея, яко от ядовитого змиа, дабы не прелстила тебя на блуд. И егда и случит ти ся с ними целоватися, то ты самым легким целованием с ними целуйся, понеже в плотном целовании есть сокровен великий блудный яд, и аще не убежиши, то тако тя угрызнет, еже и сам себя забудеши; и аще последи и спохватишися, да тому уже не поможеши, ибо яко вне ума своего от разгорения своего будеши и в блуд впадеши. И не токмо от целования своего с ними отдаляйся, но и беседы с ними наодине не имей. Исус Сирахов велми о сем воспрещает, дабы людие, наодине беседующе, в согласие блудное не сходились (Сирах. глава 9, стих. 10-11). Царь же Соломон целование со женами весма отревает и глаголет, яко последи в горесть обращается; и паки глаголет: жены чуждые доброта да не одолеет тя (Притч., глава 6, стих 25). И сего ради ты, сыне мой, от целования со женами, наипаче же со девицами, весма отдаляйся, да не впадеши в блуд. К сему же и со отроки юными излишнего содружия и целования не имей, понеже, яко в любви женской, в девичестей же и паче, уловлен будеши: подобне и в юных отрочатах диавол великия сети распростирает, и не токмо юных, но и состаревшихся удовляет. Ибо аще с таковыми лицы содружие любовное имети будеши, яко бы и не ради блуда, но аще и ползы ради каковы: обаче диаволскими сетми блудными ят будеши и в блуд, хотя и не хотя, впадеши. А наипаче бежи от содружия со инокинями юными: люте бо диавол содружием их уловляет мужей, такожде и жен велми уловляет4 иноками, паче мирских мужей. Иноческими бо лицы велми люте уловляет диавол5 мужеска пола и женска.

5. А аще же коим либо образом диавол уловит тебя, сыне мой, и чистоту свою блудною скверностию оскверниши, то Господем Богом заповедаю ти: не лежи в том грехе и не приложи язвы к язве, то есть греха ко греху. Во отчаяние не вдавайся, но вскоре прибегни к Богу с покаянием [о сем бо издревле заповедано есть, да, согрешив, не лежим во греху, но в скорости и да покаемся] (Сирах. глава 5, стих 5-8, и 21 глава, стих 1), а ко отцу духовному прибегни со исповеданием того греха, дабы блудный бес не сотворил в тебе жилища. И по покаянии впредь, Господа ради, всячески себя охраняй и слабости на ся не возлагай, понеже от блудника и молитва Богу не приятна есть (Притч., глава 19, стих 13).

6. Сему, сыне мой, ревнуй: Иосифъ прекрасный, аще и юн был и принуждаемь был от госпожи своея [от нея же и обладамь был], еже бы с нею блуд сотворити (1 Моис. глава 39, стих 7), обаче он лучши изволил страдати, нежели в сладости и веселии мира сего жити и в блудной скверне с госпожею своею утешатися. Се бо он, ради соблюдения чистоты своея, не убоялся времянного страхования: от постели ея, яко от ядовитого змия, и одежду свою в руках ея оставив, во единой токмо срачице отбежал, дабы аще и пострадати, токмо бы чисту быти от греха того блудного; и за то его ослушание, по оклеветанию тоя госпожи своея, в темницу бысть всажен. Что же Бог ему за такое его целомудрие и за сохранение телесныя чистоты сотвори? Ибо, извед его из темницы, сотворил не токмо тому бывшему его господину, но и всему Египту господином его постави, и всадивый его в темницу, бывый прежде господин, бысть ему раб и со женою своею, оклеветавшею его безвинно. [А аще бы той Исифъ поблазнился веселим сего света, то бы он душею и телом погиб и власти бы уже таковые не получил]. Тако Господь Бог чистоту телесную сохраняющих и на сем свете милует; колми же паче помиловани будут на оном свете, ибо будут у самого престола Божия служити! И сего ради ты, сыне мой, никому тако не ревнуй, яко сему Иосифу прекрасному.

7. Ты, сыне мой, не токмо единаго блудного греха бойся, но и от всякого зла удаляйся. Так жить навыкай, еже бы тебе никого, стараго или малого, или богатого или убогого человека, ничим же бы оскорбити. Но ко всем буди любителен и всякому человеку отвещай и глаголи кротостно; а сурово никаковому человеку, кроме причины, не глаголи, понеже срово слово воздвизает гнев. Сам бо Господь о сем нам ясно изъяви, глаголя: аще речеши брату своему рака ,[то есть, аще невежливо кому что речеши], то повинен будеши суду; а аще же кого наречеши юродом [то есть дураком], то повинен будеши геене огненной (Матф. глава 5, стих 22). И сего ради ты, сыне мой, никакова человека дураком не называй, но пред всеми себя смиряй; а повыситися ни пред каковыми и самыми простыми людми не моги, понеже гордым Бог лротивится, смиренным же дает благодать Свою (Притч. глава 3, стих 34). И паки чрез пророка Господь рек: на кого призрю, токмо на кроткого и молчаливого (Исаии, глава 66, стих 2). Сам же Господь рек усты Своими, яко возносяйся смирится, смиряяй же ся вознесется (Матф. глава 23, стих 12). И паки Господь рек: аще кто хощет в вас быти болий, той да будет всем слуга и всем последний (Марк. глава 9, стих 34). И сицевого ради ясного нам изъявления, ты, сыне мой, велми бойся возношения, но пред всеми смиряйся и буди яво раб и служай всем. И тако творя, велми Богу будеши любезен, и за низвость свою, и за смирение, и за услужность будеши и людем мил. И тако себя опасно храни, дабы ти и заочно никаковому человеку не досадити и зла никакова не учинити. О сем бо Святое Писание тако глаголет: не даждь места, еже кляти тя (Сирах. глава 4, стих 5). Видиши ли, како заповедано: еже бы и места такова не дати, за что бы надлежало кляти.

8. И аще ты, сыне мой, поедеши на кони, блюдись того, дабы ти какова человека, богата или убогого, конем своим не потеснити и з дороги бы пешеходные не стиснути в грязь; и аще и не по пешеходной дороге поедеши и ведеши в грязь, то ты коня своего удержуй, дабы конь твой тихо ступал, дабы ти никакова человека не обрызгати грязью. И не токмо человеки люби, но и скоты милуй. Аще и курицу на пути наедеши, в песце рыющуюся, не потесни ее: аще мочно, обедь ю; и аще сие дело и не велико есть, обаче ты храни, понеже и она тварь есть Божия. И аще и иную какую скотину, или и пса на пути наедеши спяща или и не спяща, да распростершися по земли лежаща, не досаждай и ей, но такожде обеди ю, дабы и псу досаждения какова не учинити ти. Тебе от того трудности великия не будет, еже ее поберечь и обехать или обойтить, а она, аще и безсловесна есть, обаче ей любо будет.

Веси ли, чадо, яко Святое Писание тех людей блажит, кии скотину милуют, и наречени тіи люди праведниками (Притч. глава 12, стих 10). Паки и сему внемли, еже и Сам Господь Бог и о маленких пичужках, киих на денгу две или три купуются, попечение имеет, колми же паче - о великой скотине, киих не две или не три на пенязь купуется, но за едину скотину ста два или три ста6 пенязей платитца. Господь бо Бог и малого Своего творения не презирает, и попечение великое о сотворении Своем имеет7. Ибо рек, глаголя: не пять ли птиц ценятся пенезма двома, и ни едина от них есть забвена пред Богом (Лук. глава 12, стих 6); и ни едина из них и на землю не упадет без воли Его Божией. И по сему Божию милосердию не мни себе, сыне мой, еже какую добродетель не токмо человеку, но аще и скотине сотвориши, еже бы забвена у Бога была: веждь верно, яко Богу не неизвестно будет то твое добродеяние. И аще и велми мала сия добродетель скотинная пред человеческою, обаче и за нее от Бога будет ти воздаяние, а тебе сие в науку будет: егда научишися миловати скоты, то уже устыдишися не миловати человеки, но во всяких им нуждах будеши способствовати. Паки и по сему Божие милосердие разумей, яко всесовершенно Бог не токмо о человеках, но и о птичках попечение имеет. Ибо Моисею повелел всем людям заповедати, глаголя (5 Моис., глава 22, стих. 6-7): аще кто обрящет птицу седящую на яицах, то яица да возмет себе на пищу, а матерь отпущением да отпустит, и за то благо ти будет, рече Господь. Повелел Господь шесть лет землю пахать и сеяти, а седмое лето пахать не повелел, и собою израсшаго хлеба жать не повелел, но повелел та оставити пришелцам и дивию зверю (3 Моис., глава 258. И по сему всему како ти, чадо, скота не миловати? За еже Бог не токмо скот, но и зверь милует9, то ты ли не имаши их миловати? Колми же таче полезно есть мияовати человека, иже несравненно вышши скота безсловесного!

9. Подобне же тому чини, сыне мой, и в лесе. Егда бо внидеши в него, отнюд древа ни великого ни малого без потребы не съсецы: понеже Бог насадил древеса на потребу человеком, а не на ругание, ни на играние, и Бог его насадил и возрастил многими леты, а ты его во едину минуту ссечеши или сломиши без потребы. То ты сам себе помысли: можеши ли ты его сотворити? А аще чего не можеши сотворити, то не требе ти того и губити. Веждь, яко не без греха есть, еже без потребы древеса растущия посекати или ломати. Но аще восхощеши ради каковые себе забавы сломити древцо, и ты тыя ветви ломай, кии побочные сучцы или отрасли; и то есть яко у птицы дети; а самые матки, то есть средины, кая прямо вверх возрастает, яко матки у детак, не отъемли, не сломи его без потребы, и возраста его не пресецай: егда бо оно возрастет, тогда оно будет на потребу человеку. Егда же и на прямую потребу будеши ссекати, аще на дрова, то ты такой лес и сецы, которой к строению непотребен, а угодного леса к строению в дрова отнюд не сецы: понеже угодной лес к строению некогда тебе же, или твоему брату згодится; а аще доброе древо, которое годно на строение, а ты ссечеши его на сожжение, то ты своему брату сотвориши обиду.

10. Такожде и по пашне насеянной на коне отнюд не езди, понеже, тою своею ездою, насеявшему ниву великую обиду учиниши: егда бо конь на кое место ступит, то не токмо колос повредит, но и из корени изторгнет. И егда обрящеши где насеянный горох, или репу, или и иное что седомое, не моги обиды учинити насеевшему, но токмо самую малую часть возми, дабы той господин Богу на тя жалобы не принес.

Так, сыне мой, опасно живи, дабы ты не токмо человекам, но и скотом мил бы ты был. И всякое дело первее к себе приложи и помысли о нем, угодво ль оно будет тебе, аще кто тако сотворит, яко ты кому хощеши сотворити. И аще тебе оно угодно, то и инем твори без сумнения; а аще же оно тебе самому не угодно явится, то ты таковаго дела людем отнюд творити не замышляй. О сем Сам Господь Бог заповедал нам, дабы мы чего себе не хощем, того бы и инем не творили (Лук. глава 6, стих 31). И ты, сыне мой, сие твердо в памяти своей держи, дабы тебе того отнюд не творити людем, чего себе не хощеши. И не токмо в великих и пожиточных делах, но и в самых малых делех или и словесех, то токмо и твори, то и говори, чего сам себе желаеши.

К сему же и еще прирек, глаголя: аще любящия вас любите, то кая благодать вам есть, ибо и грешницы любящия их любят; и аще добро творите добродеем вашим, то и в том, рече, несть вам благодати, понеже и грешницы такожде творят; и аще взаим даете, от них же чаете восприяти, кая вам благодать есть, ибо и грешницы грешникам взаим давают, да восприимут равная. И сие Господь рек, дабы мы врагов своих любили и за их зло добро бы им творили, а зла и за зло отнюд не повелел Господь творити. Кодми же паче зло и Богу противно, аще кто, напрасно напад на кого10, будет зло творити; а аще же кто за добро да будет зло творити, то уже и того горши!

11. Еще же рече Господь: аще взаим дадите, от них же не чаете взяти, то мзда ваша будет многа, и за такие милосердыя дела, рече Господь, яко будете сынове Вышнего. И повторяя,

Господь рек: будите убо милосерди, яко же и Отец вашъ милосерд есть. И по таковому Божию повелению, сыне мой, буди ко всякому человеку милосерд. И аще возжелаеши сыном Вышнего Бога быти, то ты того в себе и смотри, чтобы никакова человека ти не оскорбити чем; но всякому человеку, аще другу, аще и не другу, аще кого знаеши, аще и не знаеши, и аще с киим человеком и век не видатися, обаче всякому добро делай. И аще тако творити будеши, то ты подобен будеши Богу. Богу бо ничто тако не любезно, яко милосердие; того бо ради Бог и уподобляет милосердых человеков Себе. И таковыя ради добродетели так от Бога пожалован будеши, еже не можеши и умом своим постигнути. И такова ради воздаяния велми себя опасно храни, дабы тебе яко во очи, тако и заочно, никому бы никаковые досады не учинити, но всякому бы человеку любовь и милость творити.

12. К сему же не повелел Господь никого и осуждати; тако бо рек: не осуждайте, и не осуждени будете (Лук., глава 6, стих 37). Зриши ли, сыне мой, коль велико есть, еже не осуждати: ибо аще ты не осудиши никого, то и сам от Бога осужден не будеши. Что есть се, еже не осуждать людей, а Господь такое великое милосердие обещал за неосуждение токмо едино! О, Боже, Боже нашь, кто от человек может милость и щедроты Твоя исчислити! И на сие Божие милосердие зря, ты, сыне мой, велми сего остерегайся, дабы тебе кого не осудити: велив бо есть грех осуждения, велико же и воздаяние за неосуждение.

13. Сыне мой, аще в совершенный возраст еще и не приспеши, а начнет в тебе возжизатися пламень похотения блудного, то ты немедленно оженись законным браком, дабы тебе в беззаконие не впасти и чистоты бы своея телесныя осквернением блуда не погубити. О сем бо святый апостол Павел ясно глаголет, яко лучши есть женитися, нежели разжизатися (Коринф., глава 7, стих 9).

 

 

О ИСКАНИИ НЕВЕСТЫ11

 

В начале попроси с прилежным молением у Господа Бога, да даст ти жену благу, понеже сие есть дело Божие, какова кому невеста дати; а собою, как бы ты ни вымышлял, не улучишь добрые, аще Бог кому не даст. Мой же ти совет буди сицевый. Егда начнеши себе искати невесты, то ты не ищи невесты честнее себя, наипаче же богатые бежи, да не когда, недостатка ради твоего, поносимь будеши от нея; но ищи себе равные, или паче нижши себя, понеже жена честна мужем, а не муж женою. Ты не богатства, ни чести в невесте ищи; но ищи смирения и разума, наипаче же того ищи в невесте страха Божия, понеже страх Божий значит начало премудрости. И аще оба во страсе Божии будете жити, то вы и здешная и будущая благая получите (Сирах. глава 1, стих. 12-13. Притч. глава 9, стих. 10-11). О сем бо и Сам Господь Бог усты Своими рек, глаголя: ищите первее царства Божия и правды его, и вся приложатся вам (Матф. 6, 33. Лук. 12, 31). Тому Господню словеси и вы поревнуйте: ищите первее царства небесного. И аще будете пещися о царстве Божии и о всякой правде, то вся благая, не токмо грядущая, но и настоящая приложатся вам. И сего ради прошением ничего житейскаго у Бога не просите; ибо таке Господь рек, яко и прежде прошения человеческаго Бог ведает, чего кто требует (Матф. глава 6, стих 8). И сего ради ты, сыне мой, всю свою надежду возвержи на Бога: Той бо тя препитает и как тебе жити устроит, токмо буди ты тверд. Егда приидет на тя какая скудость или беда, разумей, яко от воли Божия пришла ти есть она: о сем писано есть, яко нищета и богатство, зло и добро, смерть и живот от Господа (Сирах., глава 11, стих 14); и сего ради, сыне мой, вся любезно приемли и благодарно. И аще благодарно понесете нашедшия вам скорби или беды, то велию мзду от Бога себе приимете и мученическаго венца сподобитеся прияти. И такова ради воздаяния подобает вам паче о бедах радоватися, а не скорбети, дабы от Бога мзда прияти вечная; понеже здешняя, и благая и злая, вся минутся, а будущая безконечна суть.

 

 

О ИЗБИРАНИИ НЕВЕСТЫ12

 

14. Еще же тебе, сыне мой, сказую и завещеваю: егда невесту будеши себе избирати, то и красоты преизлишние не ищи, да не введеши женнею красотою иных человеков в соблазн, и да не будеши чужим грехам виновен. А аще же искать будеши красоты духовные, а не телесные, то есть смирения и страха Божия, и по той духовной красоте аще получиши и телесную красоту, то веждь, чадо, яко воля Божия тако ти соизволила: не опасайся пояти ю, аще и велми прекрасна будет. Множицею бо то бывает, еже телесная красота совокупно с душевною красотою пребывают, яко же Сарра, Ревека, Рахиль, Сусанна, Юдифь и прочия тем подобныя древле быша, и ныне бывают, жены благообразны я благонравны. И егда начнется у тебя сватание за кую невесту, то другия или третия в то время в сватание себе не приемли. И аще кто и будет тебе о иной какой невесте возвещати, аще и с веливою похвалою, умолчи, дондеже у тебя с тою невестою сватанию окончание учинится: ты ли ей не нравен будеши, или она тебе не нравна. И с тою невестою сватание разорвав, да уже за иную невесту сватание заводи. А такова безумия не моги учинити, еже бы ти невест двух или трех во единые времена смотрити, понеже девица такой же человек, яко и ты, а не лошадь. Лошади, аще две или три или и вящши посмотриши, и аще13 и вси тебе понравятся, и аще богат будеши, то купить всех их и иметь у себя можеши; а кую и не купишь, обаче, аще ти и нравна была, долго скорбети о ней не будеши. А аще невест двух или трех посмотриши и все тебе полюбятся, то что имаши творити? Понеже расстатца не ведомо как, а взять всех их невозможно, и того ради поимеши из них едину; а последи та твоя жена чем либо не понравится, то ты во вся дни живота своего будеши о тех невестах скорбети, их же смотрил еси. А аще же ты коих невест смотря и не полюбиши, а они тебя полюбят, а ты из них одну поимеши, то ты всегда бойся, дабы тебе самому или жене твоей пакости каковые не учинили. Многие бо беды от сего чинятся. А аще кую посмотриши и всеконечно с нею разидешися, то ты свободен будеши и гневу между вами никакова не будет.

И таковых ради случаев, в сватании своем не спеши и смотрить невесты не весма поспешай; но первее о ней прежде своего смотрения, всячески испытай, кавова она есть. И аще по словам угодна ти будет, то ты тщись увидеть ю не нарядным делом, но у церкви или на переходе где, дабы тебе на девицу зазора какова не навести и досады бы ей каковые не учинити. И буде тебе по таковому случаю невеста явится ти нравна, то уже и себя ей ясно покажи, обаче не нарядным же делом. И последи осведомься подлинно, еже ты ей понравился ли; и егда подлинно увеси, еже ты ей понравился, то тогда и дело свое начинай с нею. То добро и свято, еже бы оба из воли и из любви сошлися. А егда уже с коею невестою положиши свое слово, еже взяти ю за себя, то не моги ты, чадо мое, слова своего нарушити; уже бо ти какую иную невесту ни скажут, не приемли ю, да не сотвориши и в законном браке прелюбодейства.

15. Егда же приидет година твоего брака, не дерзни к себе пригласити какова либо волхва или чародея, да не отжденеши от себя данного ти от Бога святаго ангела хранителя. Идеже бо будет призван диавол, то тамо Бога не бывает, и святый ангел хранитель, за произволением того человека, отступает от него, понеже14 свет вкупе со тмою быти не может. О сем бо святый апостол Павел ясно сказует, глаголя: кое [рече] согласие Христу с велиаром (Коринф., глава 6, стих 15)? Ибо аще кто, оставив Бога, да поищет каковые помощи от диавола, то от того человека благодать Божия отъемлется и ангел хранитель отступает от него. А егда уже от коего человека благодать Божия отъимется, то той человек душею и телом погибает, и хужши свиньи бывает, понеже диавол и над свиниями власти не имеет. А кой человек от диавола поищет помощи, то в том человеке диавол всю свою волю исполняет и до покаяния не допускает, но, исполнив свою в нем волю, во ад низводит. А аще же кто диаволу места не даст и помощи от него не востребует, но будет призывати Самого Бога и всю свою надежду возложит на Его Божию волю: то в том человеке Сам Бог пребывати будет, и святый ангел Господень никогда не отступит от него, и во всех путех его и во всех делех его не токмо точию хранити, но и помогати будет.

Истинну тебе, чадо мое, изъявляю: еже аще кто диавола и диаволских чаровников, ни волхвов, ни шептунов, не призывает, но на Самого Бога уповает и во всяком деле на Его святую волю полагается, то от того человека никогда ангел Господень не отступает, и от всякого не токмо точию случая злого, но и от грехопадения соблюдает. И во время брака никаковая порча того человека коснутися не может.

 

 

Глава 2

 

О БРАЧНОМ ЖИТИИ

 

1. И егда, сыне мой, сватание твое приидет к брачному совершению, то ты брака своего тайно не твори: но приведи свою обручницу ко святой церкви, к литургии и, последи литургии, при всем народе, начни венчатися, то никаковая неприязнь не коснет ти ся. Всякая бо порча прикасается к тому, буде кой человек будет венчатися тайным обычаем, или не во указное время, или кто вознадеется на какова либо колдуна, или с преизлишним желанием блуда. А кто идет по церковному уставу, возложив свою надежду на единаго Бога, без лакомства блудного, то до таковаго человека не токмо диавол, но и никакое зло не касается, понеже того человека ангел Господень охраняет и никаковому злу коснутися ему не допустит. Но яко древле Товиина сына, Товию, послал Господь ангела Своего Рафаила, еже сохранити его от диаволя нападения, тако и тебя повелит Господь Бог ангелу Своему сохранити тя от всякого зла и не допустит диавола ни с каковыми кознми прикоснутися вас.

Егда же от святыя церкве в дом свой прибудеши, то, помоливъся Богу и святым иконам честь отдав с поклонением, сяди со обручницею своею чиновно за стол. И на той твой обед пригласи презвитера, венчавшаго вас, и с причетники, да отца духовного своего, такожде и невестина духовного отца. А аще отца духовного твоего или обручницына не случится, то пригласи и посторонних каковых презвитеров, местных или и не местных, дабы у тебя было Христово на себе имя носящих три человека. А причетников церковных посади за той свой обед дванадесять человек. И угости их, яко можеши, да уподобится твой брак бывшему браку в Кане Галилейстем. А аще трех презвитеров обрести на обед не возможеши, то да пируеши и с единым презвитером; а аще и причетников двоянадесяти не собереши, то ты наполни то чиело нищими. А богатых сродников и соседей на той твой торжественный обед не приглашай, но пригласи их на другой день или на третей.

2. А такова безумия не моги сотворити, еже бы ти, не окончив обеда и оставя тех своих избравных гостей, итти в чертог. То бо есть дело не христианское, еже, не окончив обеда и благодарения Богу за обед не воздав, да из за третия ествы востати и итти на постелю. [Я мню, что сей обычай древней поганской застарел в народе нашем]. Но и соверша обед, не ускори итти в чертог свой, да не оскверниши того дня: понеже той день, в онь же еси венчался, свят ти есть, за еже Дух Святый низшел есть на вас; и аще не проженеши каким своим непотребством, то во весь день имать на вас почивати. И того ради ты, сыне мой, не моги язычески сотворити, но весь той день пребуди во благодарении и в хвале Божией, а не в похоти плотстей. И не токмо похоть своя плотская исполняти, но и песней скверных не попусти воспети, но в духовных песнех да проводиши весь той день. Не дерзни прогнати от себя низшедшаго на вы Духа Святаго.

По прямой же правде, подобает всякому христианину до трех дней со обручницею своею не совокуплятися. О сем ангел Господень Товии ясно изъявил (Тов., глава 6, стих ), яко аще кто уподобится коню и мску, в нем же несть разума, Бога ис помышления своего изринув, да токмо блуду настоит, и над таковыми людми диавол власть имеет. И прирече святый ангел Товии, глаголя: ты же, егда приимеши невесту свою, и, входяще в ложницу, по три дни воздержися от нея и ни что же ино твори, токмо в молитвах с нею пребуди. К сему же еще и сие прирече святый ангел Рафаил: первая нощь - на прогнание демонов; вторая нощь - в честь святым патриархом [то есть святым отцем, угодившим Богу]15; третию же нощь - ради благословения плода, да родятся от вас сынове здравые.

И ты, сыне мой, аще хощеши сам с невестою своею здрав быти, то ты первую нощь воздержися от совокупления; буде же хощеши, дабы за тебя святии отцы в молении твоем помагали тебе, то ради их чести и другую нощь воздержися; а аще же восхощеши сынов себе здравых имети, дабы тебе наместниками, паче же наследниками были, то ты и третию нощь воздержись. Не изнеможет бо глагол ангелов: како бо он изрек, тако то и будет, понеже к Товии послан бысть святый ангел от Самого Бога, и еже Бог повелел ему рещи, то он изрек, то и изъявил, что ему от Бога повелено было. Ангели бо Господни никогда не лгут и собою без Божия повеления не глаголют, ниже что делают своим умом, но вся по воле Божией творят и глаголют. И святый Рафаил открыл Товии о таинстве женитвенном с повеления Божия, дабы и мы вси о том таинстве сведомы были. И по тому Рафаилову слову аще кто учинит, тот и сам будет здрав, идети будут родитися здравы. Искони Бог вся глаголы глаголет ангеловыми усты, и того ради слово ангелово - слово Божие есть, и верно оно есть. И тамо от ангела речено, в ветхом завете, яко первая нощь воздержатися ради прогнания демонов, вторая же нощь в честь святым угодникам Божиим, третия же нощь ради здравого рождения детей. И ты, сыне мой, аще по сему ангелову слову исправиши, то евждь, яко будет так, како он изрек. Обаче, аще вышеявленные три дни воздержешися, то ты, сыне мой, по новой благодати16, тридневным своим воздержанием прославиши Святую Троицу: ибо первое нощеденство будет в честь Богу Отцу твоему небесному, второе нощеденство в честь Богу единородному Его Сыну, третие же нощеденство в честь Богу Духу Святому. И за таковое почтение Святыя Троицы не токмо на сем свете здрав будеши, но и во грядущем здравствовати имаши, и с сожителницею своею, вкупе и с чады вашими, в некончаемые веки веков, и будете веселитися, яко на браке, и за прославление Божие и вы прославлени будете. О сем Господь Бог чрез пророка ясно изъяви, еже прославляющаго Его прославит (1 Цар., глава 2, стих 30); и егда уже Господь обещался прославляющаго Его прославити, то уже и на сем свете и на оном прославлени будете. И сего ради ты, сыне мой, непрестанно Бога прославляй, и за всякое дело благодарение Ему возсылай, и не престая в мысли своей Бога имей; и аще из мысли своея Бога испускати не будеши, то и Бог с тобою будет, и диавол не токмо вредити тя, но и приближитися к тебе не возможет. И о сем, сыне мой, сам ты в себе разсуди: язычески ли тебе лучши исправляти, яко же они обыкоша, или божески, дабы и Бог в тебе был? И аз ти, сыне мой, сказую, яко аще с Богом будеши неразлучно жити, то яко диавол, тако и всякая сего света пакость, коснутися тебя не может. Языцы бо, яко дикие волки, нападают на своих невест, или яко жеребцы на кобылиц; ты же, христианин сый, не моги быти ни хищным волком, ни яростным жеребцом, ниже язычником, но буди подражатель праведному Товии.