Грамота великого князя Мстислава Владимировича и сына его Всеволода Новгородскому Юрьеву монастырю на село Буйцы, полюдье и серебряное блюдо

Подлинник 1125—1132 гг.[22]

Се аз, Мьстислав Володимирь сын, держа Русьску землю, в свое княжение повелел есмь сыну своему Все­володу отдати Буйце святому Георгиеви с данию, и с ви­рами, и с продажами, и вено во... кое. Даже который князь по моемь княжении почьнеть хотети отъяти у святаго Георгия, а бог буди за темь и святая богоро­дица, и тъ святыи Георгии у него то отимаеть. И ты, игумене, Исайе, и вы, братие, донеле же ся мир състоить, молите бога за мя и за мое дети, кто ся изоостанеть в манастыри, то вы темь дължьни есте молитн за ны бога и при животе и в съмьрти. А яз дал рукою своею и осеньнее полюдие даровьное, полътретиядесяте гривьн святому же Георгиеви. А се я, Всеволод, дал есмь блюдо серебрьно в 30 гривн серебра святому же Георгиеви; велел есмь бити в не на обеде, коли игумен обедает. Да же кто запъртить или, ту дань и се блюдо, да судит ему бог в день пришьствия своего и тъ святыи Георгии.

Памятники русского драва, вып. 2, с. 102.