Докончание великого князя Дмитрия Ивановича с князем серпуховским и боровским Владимиром Андреевичем
Подлинник Около 1367 г.
По благословенью отця нашего Олексея, митрополита всея Руси, се яз, князь великии Дмитрии Иванович, докончали есмы з братом своим с молодшим, со князем Володимером Андреевичем. Целовали есмы крест у отца своего у Олексея, у митрополита всея Руси.
Быти ны заодин. Имети ми брата своего старейшего, князя великого Дмитрия, во отця место. А жити ны по тому, как то отци наши жили с братом своим с старейшим, з дядею нашим, со князем с великим с Семеном. А тобе, брату моему молодшему, князю Володи\фру, держати ти подо мною княженье мое великое чесно и грозно. А добра ти мне хотети во всемь. А мне, князю великому, тобе, брата своего, держати в братъстве, без обиды во всемь.
А что мя благословил отець мои, князь великии Иван, уделом дяди моего, князя великого Семеновым, юго ти не искати, тобе знати своя очина, а мне знати сион очина.
А кто будеть мне, брату твоему старейшему, друг, то и тобе друг. А кто будеть мне недруг, то и тобе недруг. А тобе, брату моему молодшему, без мене не доканчивами, не съсылатися ни с кем же. Тако же и мне без тобе А что ти слышав о мне от крестьянина ли, от поганина ли, о моемь добре или о лисе, или о нашей очине, и о всех крестьянех, то ти мне поведати в правду, без иримышленья, по целованью. А мне тако же тобе поведати.
А тобе, брату моему молодшему, в моемь уделе сел ти не купити, ни твоим бояром, ни закладнев ти, ни оброчников не держати. Тако же и мне в твоем уделе сел не купити, ни моим бояром, ни закладнев ми, ни оброчников не держати.
А что наши ординци и делюи, а тем знати своя служба, како было при наших отцех.
А коли ми будеть слати свои данщики в город и на перевары, и который волости за княгинею Ульянею, и в Бели, а тобе свои данщики слати с моими данщики вместе. А в твои ми удел данщиков своих и приставов не всылати. Тако же и тобе в мои удел данщиков своих, ни приставов не всылати, ни во все мое великое княженье.
А который слуги потягли къ дворьскому, а черные люди к сотником, тых ны в службу не приимати, но блюсти ны их с одного. Тако же и численых людии.
А который суды издавна потягли к городу, а те и нынеча к городу.
А бояром и слугам вольным воля. А кто будеть бояр и слуг к тобе, брату моему молодшему, от мене отъехал до сего докончанья, или по семь докончаньи к тобе приедеть, на тых ми нелюбья не держати. Тако же и от тобе, от брата моего молодшего, ко мне бояр и слуг кто приехал до сего докончанья или ли по семь докончаньи, или по семь докончаньи, ли кто приедеть, тобе, брату моему молодшему, на тых ти нелюбья не держати.
А чего ми будеть искати на твоих боярех, или чего искати тобе на моих боярех, нам отослати от собе по боярину, те тому делу учинять исправу. А ци о какове деле межи собя сопрутся, ехати им на третий, кого собе изберуть, тамо ехав, перемолвятся. А чего ны будеть поискати тобе ли, мне ли, а тому тако же межи нас исправа.
А ординьская тягость и протор дати ти мне, брату своему старейшему, с своего удела по давным свертком. А коли ми будеть, брате молодшии, и дань взяти на своих боярех в великом княженьи, а кто будеть твоих бояр и слуг... ми дань взяти... в городе и в варях или в городьских... на тых... и тобе, брату моему, со мною.
А в твои ми удел грамот жаловальных не давати. Тако же ц тобе в мои удел и во все мое великое княженье не давати своих грамот. А которые грамоты буду подавал, а те ми грамоты отоимати. А тобе тако же, брату моему молодшему, грамоты отоимати, кому будешь подавал в моемь княженьи.
А который боярин поедеть ис коръмленья от тобе ли ко мне, от мене ли к тобе, а службы не отъслужив, тому дати коръмленье по исправе, а любо служба отслужите ему.
А коли ми будеть где отпущати своих воевод из великого княженья, а кто будеть... твоих бояр и слуг, тобе послати своих воевод с моими воеводами вместе, без ослушаиья. А кто ся ослушаеть, того ми казнити, а тобе, брату моему, со мною. А кого коли оставите у тобе бояр, про то ти мене доложите, то ны учините по згад- це, кому будеть слично ся остати, тому остатися, кому ехати, тому ехати.
А тобе, брату моему молодшему, мне служите без ослушанья, по згадце, како будеть мне слично и тобе, брату моему молодшему, а мне тобе кормите по твоей службе. А коли ти будеть всести со мною на конь, а кто будеть твоих бояр и слуг, где кто ни живет, тем быти под твоим стягом.
На семь на всемь целовали есмы межи собе крест, по любви, в правду, безо всякое хитрости.
На обороте листа помета (почерком XV в): Грамота докончалная великого князя Дмитрия Ивановича с братом с своим с молодшим, со князем Володимером Ондреевичем, при Олексеи митрополите всея Руси.
Духовные и договорные грамоты великих и удельных книей XIV—XVI вв., № 5.