МАРКЕТИНГ

Рынок – сатушылар мен сатып алушылардың кездесетін орны. Ал өндіруші мен тұтынушының арасында жүретін іс-әрекеттердің бәрін экономистер маркетинг деп атайды.

Маркетинг – сатушы мен сатып алушылардың кездесуіне көмектесетін әрекет. Жарнамадан басқа маркетингке сатып алу мен сату, тасымалдау мен сақтау, өнім номенклатурасын жоспарлау, тұтынушыға қызмет көрсету, қаржыландыру, сақтандыру жатады. Компанияларға арнайы маркетингтік қызмет көрсететін ірі индрустриялар құрылған. Олар компанияларға өз өнімін дифференциялдауға, бәсекеге қабілетті баға ұстауға, тиімді жарнама жасауға және тұтынушыға азық-түлікті қай жерде, қашан алуын көрсетуге мүмкіндік жасайды.