Дисахаридтер

Бұл топтың углеводтарынан аса маңыздысы сахароза С₁₂Н₂₂О₁₁. Сахарозаны қызылша немесе қамыс қанты деп те атайды.

Сахароза. Кәдімгі қант аздаған қоспасы бар сахароза. Сахароза табиғатта көп тараған. Ол көп мөлшерде қант қышылсасында, қант қамысында, қайың сөлінде, сәбізде, қауында т.б. болады.

Сахароза ақ түсті, дәмі тәтті, суда жақсы еритін кристалды зат. 160ºС-та балқиды.

Сахарозаның химиялық қасиеттері оның құрамындағы функционалды топтарға байланысты. Сахарозаның құрамында гилроксотоптарының болуына сәйкес ол глюкоза сияқты мыс гидроксидімен әрекеттесіп көк түсті мыс сахаратын түзеді. Ол қышқылдармен реакцияласып күрделі эфирлер түзеді.

 

 

 

Сахарозаның аса маңызды химиялық қасиеті оның қышқылдық ортада гидролизденуі. Сахароза гидролизінің нәтижесінде глюкоза мен фруктоза түзіледі:

 

Н+

С₁₂Н₂₂О₁₁ + Н₂О → С₆Н₁₂О₆ + С₆Н₁₂О₆

сахароза глюкоза фруктоза