X - хромосоманын изохромосомалары.

Хромосомалық мутациялар кейбір гендердің мөлшерін, орналасу ретін, тіркесу топтарын өзгертеді. Осының нәтижесінде жасушада үйлесімді гендік тепе-теңдік бұзылып ағза денесінің, психикасының қалыпты дамуы бұзылады. Хромосомалық мута-циялар адамдар миының дамуының, тірек-қимыл, қан айналу, зәр шығару жүйелерінің кемістігіне әкеліп соғады. Ондай адамдардың ақыл-есі кеміс болады, әлсіз болады, әйелдер түсік тастайды, ал бала туған күнде де нәрестелер өте кішкентай, әлсіз болып туылып, жастайынан дүние салады.

Делециялар гомозиготалы күйінде және Х-хромосомада кездессе летальды болады. Адамдарда кездесетін "мысықша мияулау" сиңдромы 5 хромосоманың кысқа иінінің делециясына байланысты. 4,13,18 хромосомалардың делециялары да гетерозиготалы күйінде адамдардың ақыл-есінің кем болуына, әлсіз болуына алып келеді.

Инверсиялар гетерозиготалы болса ағзалар ұрпақ қалдыра алмайды, себебі пайда болған гаметалардын тең жартысы жүмыртқа жасушасын ұрықтандыра алмайды.

Транслокациялар гетерозиготалы күйінде стерильді болады, себебі мейоз нәтижесінде бұзылған (кеміс) гаметалар түзіледі.

Геномдық мутациялар

Геномдық мутациялар деп хромосома санының 1, 2, 3 сомаға өзгеруін (кемуі не көбеюі), не хромосома санының еселеп өсуін айтамыз. Мутацияның бірінші түрін анеуплоидия, ал екіншісін полиплоидия деп атаймыз.

Анеуплоидия — нуллисомик, моносомик, три, тетро және полисомик күйлерінде кездеседі.

Нуллисомик дегеніміз — диплоидты хромосома жиынтығыңда бір жұп хромосоманың болмауы —2п-2.

Моносомия дегеніміз - диплоидты хромосома жиынтығында бір хромосоманың сыңар күйінде болуы (2п-1; ХО).

Трисомия дегеніміз - диплоидты хромосома жиынтығыңда бір хромосоманың 3 дана күйінде болуы (2п+1; ІЗ+; 18+; 21+).

Анеуплоидия мейоз процесінде хромосомалардың дұрыс ажыраспауы салдарынан пайда болады.

Моносомиктер, әсіресе нуллисомиктер, тіршілік ете алмайды. Трисомиктер әр түрлі хромосомалық ауруларға алып келеді.

Полиплоидая хромосома санының -еселеп өсуі нәтижесінде пайда болады. Оның гаплоидия, триплоидия, тетра, пента т.с.с. плоидия деген түрлері белгілі. Полиплоидия өсімдіктер дүниесінде жиі кездеседі және ол пайдалы касиеттерге алып келеді (өнімді болу т.с.с), ал жануарлар дүниесінде, әсіресе адамдарда, өте сирек болады. Адамдарда полиплоидты ұрықтар күні бүрын түсіп қалады, ал тірі туылған күнде де олар бірер минут қана өмір сүреді.

Адамдардың хромосомалық аурулары

Қазіргі кездегі ғылыми деректерге қарағанда дүниеге келген нәрестелердің 5 пайызы әр түрлі генетикалык өзгерістермен туылады, ал олардың ішінен 0,5 пайызы шамасындағы балаларда хромосомалық аурулар байқалады. Бүгінгі танда 700-ге жуық хромосомалық аберрациялар (бұзылыстар) сипатталып жазылған, олардың ішінен 100-ге жуығы адамдардың ақыл-есінің кеміс болуына, денелерінің дамуының бұзылуына, әр түрлі зілді хромосомалық аурулардың дамуына алып келеді. Адамдардың хромосомалық ауруларының негізгі клиникалык сипаты ретінде туа біткен ақаулыктарды, ақыл-естерінің кем болуын, жыныстық дамуының бұзылуы нәтижесінде бедеу болуын, яғни ұрпақ қалдыра алмауын, өздігінен түсік тастауын т.с.с атауға болады.

Хромосомалық аурулар деп — клиникалық сипаттары жағынан түрліше болып келетін адамдар патологиясының үлкен бір тобын айтамыз. Олардын бәрінің себептері бір — ол хромосомалық не геномдық мутациялар болып табылады. Хромосомалық аурулардың басқа тұкым қуалайтын аурулардан ерекшелігі -олар Г. Мендель заңдарынан өзгеше жолмен тұқым қуалайды.

Хромосомалык аурулар ата-аналарының гаметаларында пайда болған мутациялар, не ұрықтың дамуының алғашқы кезендеріңде пайда болған мутациялар салдарынан қалыптасуы мүмкін. Гаметаларда пайда болған мутациялар бұл аурудың толық ныса-нының, ал ұрық жасушаларында пайда болған мутациялар аралас (мозаикалық) формасының дамуына алып келеді. Аралас формалы ағзалардың кейбір жасушаларыңда қалыпты кариотип болатын болса, кейбіреулерінде бұзылған кариотип кездеседі.

Адамдар гаметаларында болатын хромосомалық ауытқушылықтың жалпы саны 750-ге жуық, ал оның 700-і хромосомалардың кұрылымының бұзылуларының (аберрация) үлесіне тиеді.

 

 

Хромосомалық аурулардың пайда болу механизмдері

Көптеген хромосомалық аурулардың пайда болуының басты себебі - тарихи, эволюциялық қалыптасқан жүйенің — кариотиптің, өзгеруі, яғни хромосома сандарының не хромосомалардың құрылымының бұзылуы болып табылады.

Ағзалардың хромосома сандарының ауытқуы жасушаның дұрыс бөлінбеуінің не әр түрлі мутагендік факторлардың әсерінен жасуша бөлінуінде хромосомалардың бір-бірінен ажыраспауының салдарынан болады. Бұл хромосома санының еселеп өсуіне (полисомия — Зп, 4п, 5п т.с.с), не калыпты кариотиптің бір немесе бірнеше хромосомаға көбейіп не кемуіне алып келеді (анеуплоидия) — моносомия 2п-1; трисомия 2п+1.

Толық триплоидия (Зп) және тетроплоидия (4п) нысандары адамдарда тек кенеттен, өздігінен өліп, түсіп қалған түсіктерде ғана байқалған, яғни полиплоидты ұрықтар тірі туылмай, дамудың алғашқы кезендерінде-ақ өліп қалады. Ал, өсімдіктерде по-липлоидия (Зп, 4п, 5п) құнды қасиеттерді қалыптастырады — өміршең болуын, өнімді болуын т.с.с. Сондықтан да селекционерлер полиплоидтық нысандарды мәдени өсімдіктердің жаңа сорттарын алу үшін кеңінен қолданады.

Анеуплоидия - аутосомды не жыныс хромосомалар саңдарының ауытқуы салдарынан болуы мүмкін. Жыныс хромосомасының саны өзгергенде әрбір қосымша X-хромосома өте тығыз ширатылған гетерохроматин күйінде болып, оның гендері активсіз болады.Дегенмен, гетерохроматин күйіндегі қосымша Х-хромосомалар түгелдей дерлік инертті болмайды. Олар жасушаларға, жасуша метаболизміне және ағзаның дамуына әсер етеді. Гетерохроматинденген қосымша Х-хромосомаларда сандық белгілерді анықтайтын полигендер болуы мүмкін.

1-12 жұп ірі хромосомалардын ауытқулары бар ұрықтар әдетте өте ерте кезде-ақ өліп калады, яғни летальды болады. 13-18 жұп хромосомалардың трисомиялары (13+; 18+) жартылай летальды (сублетальды) болады да нәрестелер не өлі туылады, не балалық шағында-ақ өліп қалады. Жыныс хромосомаларының ауытқуларының (ХО, XXV, XXXV, т.с.с) және кейбір аутосомды трисомиялардың (13+, 18+, 21+) тіршілік қабілеті айтарлықтай дәрежеде болуы мүмкін.

Қазіргі кездегі сипатталған 100-ге жуық хромосомалық аурулардың 95-і негізінен 5 хромосомалық ауытқу нысандарына тең болады: 13, 18, 21 хромосома трисомиялары, Шерешевский-Тернер сиңдромы (45, ХО), Клайнфельтер синдромы (47, XXV).

І. Даун синдромы (21+).

Синдром деп - белгілі бір ауруға жатпайтын бірнеше ауру белгілерінің бір адамда қатар келуін айтамыз.

Бұл ауруды алғаш рет 1855 жылы Л.Даун сипаттап жазған, бірақ оның себептері 100 жылдан кейін барып аныкталған. Бұл ауру екі жыныста да бірдей жиілікпен кездеседі, оның орташа жиілігі 1/700-дей шамасындай.

Даун синдромының негізгі клиникалық сипаты - ақыл-есінің туа біте кем болуында. Оларды окытып үйретуге болады, бірақ жазуға, санауға үйрету мүмкін емес. Орталық нерв жүйелерінде айтарлықтай ауыткушылықтар болмаса да олар икемсіз, епсіз, жайсыз болып келеді.

Бұл аурудың негізгі фенотиптік сипаттарына мыналарды жатқызуға болады; бойлары аласа, шүйдесі тегіс, бас сүйектері кішкентай трахицефальды,-эпикант дамыған, көздері қысыңқы, мұрындарының түбі жалпақ, кең кеңсірікті болып келеді.

Олардың жүрек-тамыр жүйесінің бұзылуы, сол сиякты, барлық ішкі секреция бездерінің кызметтерінің бүзылыстары байқалады.

Дерматоглификасы — алакандарында терең көлденең сызықтарынын және шынашағында 2-жұмылатын бүгілу сызығының орнына тек 1 ғана сызыктың болуымен сипатталады.

2.Эдвардс синдромы (18+).

Бұл ауруды 1960 жылы Эдзардс айқыңдап тапқан, онын жиілігі 1/4500-ден 1/650-ге дейін болады. Бұл аурумен ерлерге қарағанда әйелдер жиірек ауырады. Бұл - ұл балалардың эмбриональдық даму кезінде не өмірінің алғашкы апталарыңда көптеп еліп калатындығын көрсетеді.

Бұл аурудың негізгі сипаттамаларына мыналар жатады: нәрестелердің салмағы өте жеңіл, бойлары кішкентай болады, иектері тегіс, жақтары нашар дамыған, бас сүйегі кішкентай, құлақтары кішкентай және олар бас сүйегіне төмендеу орналасқан, тұмсықтарының пішіні құстұмсық, болып келеді. Птоз, экзофальм, эпикант дамыған, көздерінің мөлдір қабығының бұлдырлануы, көру нерв дискісінің семуі сияқты көру мүшелерінің мүкістігі айқын байқалып тұрады. Қол саусақтары өте ұзын немесе өте қысқа болып, 2-5 саусақтары ерекше орналасқан болады. Табандарының пішіні өзгереді: Жүрек-тамыр жүйесінің, бүйректерінің мүкістігі байқалады. Ересек жасқа дейін жеткен балалардың ақыл-естерінің кем болатындығы байқалған. Эдвардс синдромын нәресте туылған кезде бала жолдасынын (плацента) кішкентай болуы және жалғыз кіндік артериясының болуы арқылы күні бұрын анықтауға болады.

3. Патау синдромы (13+).

1961 жылы Патау және оның әріптестері өте кемтар, сұрықсыз баланың кариотипін зерттегенде оның Д тобында артық 1 хромосоманың болатынын анықтап, осы ауруды сипаттап жазған. Бұл синдромның популяциялардағы жиілігін анықтау қиын, себебі осы синдроммен ауырған балалар ерте өліп қалады, дегенмен де оның орташа жиілігі 1:3500—4000 жуық.

Бұл синдромның клиникалык сипаттары — балалардың салмағы өте жеңіл, бойлары кысқа және олар күні жетпей туылады. Сол сиякты, осы синдромның ерекше белгілеріне жұмсақ және қатты таңдайларының жырық, көздерінің өте кішкентай — әр түрлі дәрежеде микрофтальмиялы болып келуін де атауға болады. Оларда туа біткен катаракта, беттерінің ангиомасы, полидактилия, синдактилия және табандарының өзгерулері байқалады. Жүрегінің, бүйректерінің кызметтері бұзылады. Қыз балаларда жатырдың имек болуы, ұлдардың ұмаларының өзгерулері байқалады. Гипотония және гипертония, ақыл-естері кем, ток ішектің ауытқуы, қосымша көкбауыр кездеседі. Бұл синдроммен ауырған нәрестелер өмірінің алғашқы күндерінде немесе алғашқы аптада- ақ өліп калады. Дегенмен, кейде олар 2—3 жыл өмір сүруі де мүмкін.